احرص على اربع اشياء بعد رمضان

موضوع ارسل لي على بريدي واحببت ان انقله لكم لأذكر نفسي وإياكم

إحرص على أربعة أشياء بعد رمضان ... مهم جداً
الثبات بعد رمضان

1-

الحفاظ علي عدم الوقوع في المعاصي بعد رمضان مباشرة
ومش معنى كدة اننا نرجع لذنوبنا بس اننا نحافظ على أنفسنا من ارتكاب المعاصى كأننا فى رمضان كبداية ومع مرور الوقت تكون الذنوب دى اتنسيت ومنفكرش نرجعلها أبداً لاننا بعدنا عنها وبعدينما نفكر مع بعض شوية الذنب وقت سعادته محدود يعنى هقول مثال على بنت ومثال لولد

الولد اللى بيشرب سجاير او شيشة زهقان السجاير او الشيشة دى بتبسطه قد ايه ساعة اتنين يوم وبعدين

أما البنت اللى بتلبس لبس مش بيرضى ربنا يعنى اللبس اللى مطالبين بيه واسع لايشف ولا يصف المهم بتلبس وتتعاكس فى الشارع تبقى فرحانة قد ايه ساعة ما واحد عاكسها وخلاص قصدى يعنى ان الذنب له فرحة فى وقته بس لو ضميرنا صاحى زى ما بيصحى شوية فى رمضان هنعرف ان اللى بيخلفه الذنب بعد ارتكابه ندم واسع المدى وربنا يحفظنا جميعاً ويثبتنا .
2-

عدم النزول من الهمه العاليه بالاستمرار في صلاه القيام والجماعه وقراءه القران
يعنى ربنا يعينا كدة نصلى قيام ليل ونقرأالقرأن حتى لو ربع حزب بعد كل صلاة أو مش شرط بعد كل صلاة حسب الاستطاعة بس المهم اننا منهجرش القرأن وطبعا الصلاة والنوافل وأذكار الصباح والمساء والاستغفار والشباب الصلاة فى المسجد والبنات تصلى فى البيت جماعة لو ينفع لان صلاة الجماعة افضل من صلاة الفرض بسبعة وعشرون درجة والواحد محتاج للدرجة الواحدة يبقى نجاهد أنفسنا على الطاعة وندعى ربنا

" اللهم أعنا على ذكرك وشكرك وحسن عبادتك"

وألهمنى لذكرك طول عمرى ... فإن بذكرك الدنيا تطيب
3-

التقوي بعد رمضان

(من يتق الله يجعل له مخرجا ويرزقه من حيث لا يحتسب )

اتقى الله فى كل حاجة بتعملها قوم للصلاة وأنت مبسوط لانك هتقابل ربنا صوم ست أيام من شوال عشان تأخد أجر وبتتبع سنة نبينا محمد صلى الله عليه وسلم وطبعا الصيام اجره لايعلمه إلا الخالق

"كل عمل ابن أدم له إلا الصوم فإنه لى وأنا أجزى به "
4-

اجعل رمضان نقطة بدايه لانهاية وأخر حاجة إن رمضان بداية بداية لسنتك الجديدة يا رب يكون ربنا غفر لنا ذنوبنا كلها وأعتقنا من النيران وإنت كدة فتحت صفحة جديدة مع ربنا وعدته وانت بتصلى وبتدعى وبتبكى بين إيديه وفى وعدك وخلى صفحتك بيضاء وجاهد نفسك لحد رمضان الجاى لو لينا عمر إن شاء الله و

أعبد الله كإنك تراه , فإن لم تكن تراه فهو يراك

خلينا كلنا نخلص فى طاعتنا لربنا ونبعد عن المعاصى ومنخليش ربنا يرانا أبدً على معصية نتقرب إليه بالطاعات لان خير ربنا لينا نازل وشرنا إليه صاعد

اللهم أحيى أمة محمد واجعلنا من حزبك الفائزين

قيل لرجل صالح ... متى العيد؟

قال : كل يوم لا أعصى ربى فيه فهو عيد